ပြင်သစ်နိုင်ငံ မြို့တစ်မြို့ရှိ ကားလမ်းမပေါ်မှာ အံသြဆန်းကြယ်စဖွယ် မော်တော်ဆိုင်ကယ်တစ်စီးဟာ စီးနှင်းနေသူမပါပဲ ဆိုင်ကယ်ချည်းသက်သက် ရွှေ့လျားနေလို့ မျက်မြင်တွေ့ရှိခဲ့သူများနဲ့ အင်တာနက်ပေါ်ကနေ တွေ့ရှိခဲ့သူများက သရဲဆိုင်ကယ်လို့ သတ်မှတ်နေကြလျက် ရှိနေပါတယ်။
ဒီဖြစ်ရပ်ကို ဗီဒီယိုရိုက်ကူးပြီး ပြင်သစ်သတင်းစာ Le Parisien ကနေ ဖော်ပြခဲ့ပြီးနောက် အင်တာနက်ပေါ်မှာ ဟိုးလေးတကျော်ကျော် ဖြစ်သွားခဲ့ရပါတယ်။ ဒီဗီဒီယိုထဲမှာ မော်တော်ဆိုင်ကယ်တစ်စီးဟာ မောင်းနှင်နေသူ လုံးဝမပါဝင်ပဲ မိုင်တော်တော်များများကို ရွှေ့လျားနေခဲ့တာပဲဖြစ်ပါတယ်။ အံသြတုန်လှုပ်စရာကောင်းတဲ့ ဆိုင်ကယ်ရဲ့ရွှေ့လျားမှုကြောင့် ဒီဗီဒီယိုကို ဝင်ရောက်ကြည့်ရှုသူဦးရေဟာ အချိန်တိုလေးအတွင်းမှာပဲ များပြားလာခဲ့ရပါတယ်။ ကြည့်ပြီးသူတိုင်းကလည်း ဒါဟာ လူတွေမမြင်နိုင်တဲ့ ပရလောကသားတစ်ဦးဦးက ဆိုင်ကယ်ကို ပူးကပ်ပြီး မောင်းနှင်နေတာဖြစ်မယ်လို့ သတ်မှတ်ခဲ့ကြပါတယ်။
ဒါပေမယ့် ဒီဖြစ်ရပ်ရဲ့ တကယ့်အဖြေမှန်ကတော့ လူတွေထင်နေကြသလိုမျိုးနဲ့ ကွဲလွဲနေပါတယ်။ လူတွေက သရဲဆိုင်ကယ်လို့ သတ်မှတ်နေခဲ့ကြတဲ့ ဆိုင်ကယ်ဟာ တကယ်တော့ မောင်းနှင်သူပါဝင်လာပြီး ဆိုင်ကယ်နဲ့ အခြားယာဉ်တစ်စီးနဲ့ တိုက်မိသွားခဲ့တာကြောင့် ဆိုင်ကယ်မောင်းသူက လမ်းပေါ်ပြုတ်ကျသွားခဲ့ပြီး ဆိုင်ကယ်ကတော့ သူ့အရှိန်နဲ့ လမ်းပေါ်မှာ အလိုလိုမောင်းနှင်သွားခဲ့တာပဲဖြစ်ပါဆယ်။
ဒီယာဉ်မတော်တဆမှုကြောင့် သရဲဆိုင်ကယ်ရဲ့ ပိုင်ရှင်ဟာ လက်မောင်းကို ထိခိုက်မိသွားရပြီး နီးစပ်ရာ ဆေးရုံတစ်ခုကို မသွားခင်မှာ သူရဲ့ဆိုင်ကယ်ကို လိုက်လံရှာဖွေခဲ့ပေမယ့် မတွေ့ရှိခဲ့ပါဘူး။ ဒီသရဲဆိုင်ကယ်ကို ယာဉ်တိုက်မှုဖြစ်ပြီး ရက်အနည်းငယ်ကြာမှသာ ရဲတပ်ဖွဲ့ဝင်များက တွေ့ရှိခဲ့ကြတာပဲ ဖြစ်ပါတယ်ခင်ဗျာ။
VitamiN
Post a Comment