4 3 ရင်ခွဲ ရုံ သရဲ (ကြောက်တတ်သူများ မဖတ်ရ)

ရင်ခွဲရုံ ဆိုတဲ့ စကား လုံး ဟာ သာမန် လူ တွေ အတွက် အနိဌာရုံ နဲ့ တွဲ လို့ ထိတ်လန့် ကြောက့် ရွံ့ ဖွယ် နေရာ တစ်ခု လို့ သိ ထား ကြ ပါ လိမ့် မယ်။ တကယ်တော့ ရင်ခွဲ ရုံ ဆိုတာ သူများ ပရော ဂ နဲ့ သေဆုံး သွား ရ တဲ့ သုတွေ အတွက် တရား မျှတ မှု ကို ဖေါ် ထုတ် ရာ မှာ အကူ အညီ ပေးတဲ့ နေရာ ၊ဘာကြောင့် မှန်း မသိ သေဆုံး သွား သူတွေ ရဲ့ အကြောင်း ဇစ်မြစ် ရှာဖွေ ပေး တဲ့ နေရာ တစ်ခု ပဲ ဖြစ်ပါတယ်။

ကျမ အတွက် ရင်ခွဲ ရုံ ဆိုတဲ့ စကား လုံး ကို ၅ နှစ် အရွယ် ထဲ က စ ရင်း နှီး နေပါပြီ။ ဂမ္ဘီရ ဇာတ်လမ်း တွေ ထဲ မှာ နာမည် ကြီး ခဲ့ တဲ့ သန်လျင် ဆေး ရုံ ရဲ့ နာမည်ကျော် ရင်ခွဲရုံ နဲ့ အနီး ဆုံး အိမ် မှာ ကျမတို့ နေခဲ့ ဖူး ပါတယ်။ ခြံ ပြင် ထွက် လိုက် တာနဲ့ မျက် နှာချင်း ဆိုင် မှာ တစ်ခု တည်း ရှ်ိတဲ့ အဆောက် အအုံ က အုတ်တိုက် နီနီ ရဲရဲ ရင် ခွဲ ရုံ ပါပဲ။ ရင် ခွဲ ရုံ ရဲ့ တံခါးတွေ ဟာ အမြဲ တမ်း သော့ ခပ် ထား ပြီး တံခါး ဖွင့် ထား ရင် တော့ ကျိန်းသေပေါက် အထဲ မှာ အလောင်း တစ် လောင်း ရှိ နေပါတယ်။

သူငယ်တန်း ကျောင်း သူ ကျမ က ရင်ခွဲ ရုံ တံခါး ဖွင့် ထားတာ တွေ့ ရင် သွား စပ်စု တတ် ပါတယ်။ ကျမ အဖေ ဂျူ တီ ကျလို့ PM ( post – mortem) လုပ်ရရင် (အလောင်း ခွဲ စိတ် စစ်ဆေး ရရင် ) တော့ ကျမ အနီး ကပ် သွား ကြည့် တတ်ပါတယ်။ တစ်ရက် မှတ်မှတ်ရရ မိန်း မကြီး တစ်ယောက် သူ့ ယောက်ျား ရိုက်လိုက် လို့ သေသွား တာ စစ်ဆေး ဖို့ ခေါင်း ခွံ ကို နဖူး စပ် ကနေ ခွာ ထား တာကို အဖေ နဲ့ လိုက်ကြည့် တဲ့ ကျမ လည်း လူ ဦးနှောက် ဖြူဖြူ ဖွေးဖွေး ကြီး ကို အသည်း တယားယား နဲ့ ကိုင် ကြည့်ဖူး ပါတယ်။ အဲဒီတုန်း က ၅ နှစ် ဆိုတဲ့ ကျမ အရွယ် က တကယ့် ကလေး ပဲ ရှိ သေးတောင် အဲလောက် စပ်စပ်စုစု နိုင်ခဲ့ သူပါ။

သန်လျင် ဆေး ရုံ ကနေ အဖေ တာဝန်ကျ ရာ နေ ရာ အနှံ ကျ မတို့ ပါ လိုက် ပြောင်း ရင်းနဲ့ ကျမ ၅ တန်း နှစ် ၊ အရေး အခင်း ကာလ ကျောင်းတွေ ပိတ် ထားတဲ့ အချိန် မှာ ရခိုက် ပြည် နယ် ထဲက တိုက်နယ် ဆေးရုံ တစ် ရုံ ကို ပြောင်း ရ ပါတယ်။ အဲဒီ တိုက် နယ် က ပြီးခဲ့ တဲ့ လ က အကြမ်း ဖက် မှုတွေ ပြန် စ ဖြစ်ခဲ့ တဲ့ နေ ရာ နဲ့ အနီးလေး မှာ ပါ။ ဆရာဝန်အိမ်နဲ့ ရင်ခွဲ ရုံ ဆို တာ ဆေးရုံ တ၀န်း ထဲ မှာပဲ အမြဲ ရှိ နေတတ်တော့ ရင်ခွဲ ရုံ ဟာ ကျမတို့ ကစား ကွင်း ထဲ အလိုလို ရောက်နေ ပါ တယ်။

တော ဆေး ရုံ ဖြစ်တဲ့ အတွက် ရင်ခွဲ ရုံ ဟာ မြေစိုက် ၊ ထရံ ကာ လေးထောင့် စပ်စပ် အဆောက် အအုံ ပါ။ အထဲမှာ အလောင်း တင် ဖို့ သစ်သား ကုတင် တစ်လုံး ရှိပြီး ကုတင် ခေါင်းရင်း နဲ့ ခြေ ရင်း မှာ ပြတင်းပေါက် တစ်ပေါက် စီ ရှိ ပါတယ်။ ထုံး စံ အတိုင်း ပုံမှန် အချိန် တံခါး ပိတ် ထား ပြီး အလောင်း ရှိ ရင် တံခါး ဖွင့် ထား တယ် ပေါ့ ။ ….အဲ…တံခါး ဖွင့် ထားတဲ့ အချိန် ဆိုရင်တော့ ကျမ တို့ မောင် နှ မ တွေ တူတူ ပုန်း တမ်း ကစားတဲ့ အခါ ပုန်း စရာ နေရာ တစ်ခု ရ တာ ပေါ့ ။ ကျမ တို့တွေ ရင်ခွဲ ရုံ ထဲ အလောင်း ဘေးနား မှာ ပုန်း နေ ရင် တခြား ကလေး တွေ ကျမ တို့ ကို ရှာ မတွေ့ ပဲ အရှုံး ပေး ရ ပါတယ်။ ကျမ တို့ ကို အပြင် မှာ သူတို့ ပတ်ရှာ နေတာ ကို ထရံ ပေါက် က ချောင်း ကြည့် ပြီး တခွီးခွီး သဘော ကျ နေ တတ်ပါတယ်။

အဲဒီ အချိန် တွေ   မှာတော့ အဖေ့ ရဲ့ အားပေး မှု ကြောင့် ကျမ ရဲ့ စပ်စု တတ်တဲ့ အကျင့် က လေ့ လာတဲ့ အဆင့် ကို ရောက် သွား ပါပြီ။ ကျမ စိတ် ၀င် စား မှန်း သိလို့ အဖေ က သေမှု သေခင်းတွေ စစ်ဆေး ရတိုင်း ကျမ ကို ခေါ် ပြ တတ် ပါတယ်။ လူ့ ခန္ဓာ ကိုယ် ထဲ က အစိတ် အပိုင်း တွေ ရဲ့ အခေါ် အဝေါ် ၊ တည်ဆောက်ပုံ ၊ အလုပ်လုပ် ပုံ တွေ ကို တစ်ခု ချင်း ပြလည်း ပြ ၊ ရှင်းလည်း ရှင်းပြ ပါတယ်။ အဲဒီ အချိန် မှာ အဖေ နဲ့ ၅ တန်း ကျောင်း သူ ကျမ ဟာ ဆေး တက္ကသိုလ် က ပါမောက္ခ ဆရာ ကြီး နဲ့ ဆေး ကျောင်း သူ အလား လူသေ အလောင်း ရှေ့ ထား ပြီးတော့ ကျမ က သိချင်တာမေးလိုက် ၊ အဖေက ဖြေ လိုက်၊ တခါ တလေ များ စာမေး သလို ကျမ ကို ပြန်မေး တတ်သေးတယ်။ ကျ မ အတွက် ခန္ဓာ ဗေဒ ကို ၅ တန်း ကတည်း က လေ့ လာ ဖူး ခဲ့ တယ် ပေါ့ ။ တကယ်တော့ ကျမ အဖေ က ကျမကို ဆရာဝန် အရမ်း ဖြစ်စေချင် သလို ကျမ ရဲ့ ငယ် ဘ၀ အိမ်မက် ကလည်း ဆရာဝန် တစ်ယောက် အရမ်း ဖြစ်ချင်ခဲ့ တယ်။

ကျမ တို့ နေခဲ့ တဲ့ အဲဒီ ဒေသ မှာ အမှု အခင်းတွေ မကြာ ခဏ ဖြစ်တတ် ပါတယ်။ ပျမ်း မျှ ၁ လ တစ်ခါလောက် သေမှု သေခင်း စစ်ဆေး ရ ပါတယ်။ မသေ ရင်တောင် ဒဏ် ရာ အကြီး အကျယ် နဲ့ ရောက်လာတတ် တယ်။ အဲဒီ မှာ ဒေါ သ အလျောက် ဖြစ်တာ ထက် စာရင် အငြိုး အတေး ကြောင့် ဖြစ် တာ ပို များ တယ်။ ကိုယ့် ဆွေ မျိုး သားချင်း ထဲက အသတ် ခံရရင် သတ်သူ အဖမ်း ခံ ရ ပြီး ရင်တောင် သူ့ ဆွေ မျိုး သားချင်း ထဲ က တစ်ယောက် ကို ပြန် သတ်လေ့ ရှိတယ်။ အိမ်ထောင်ရေး ဖောက်ပြန်တာ မရှိ သလောက် နည်း တယ်။ အိမ်ထောင်ရှိ ယောက်ျား တစ်ယောက်က တခြား မိန်း မ တစ်ယောက် ကို ဖောက်ပြန်ခဲ့ ရင် နောက် မိန်း မရဲ့ သားချင်း တွေ က ဖြစ်စေ၊ မူလ မိန်း မရဲ့ သားချင်းတွေ က ဖြစ်စေ သင်ခန်းစာ ပေး ပစ်လိုက် ကြတယ်။ ကျမ တို့ နေတုန်း က အခြေ အနေ တွေ ပါ၊ ခုတော့ ဘယ် လို နေသေးလဲ မသိတော့ ဘူး။ နောက်ပြီး အခု ဖြစ်နေ တဲ့ အတိုင်း လူမျိုး စု ၂ ခု ကြား လည်း မကြာခဏ ဖြစ်ကြတယ်၊ ဆေး ရုံ ဆိုတော့ ၂ ဘက် လုံး က ရောက် လာ တတ် လို့ သိခဲ့ တာပါ။

တစ်ရက် မှာ တော့ နေ၀င်ရီ တရော အချိန် ဓါးခုတ် ခံ ရတဲ့ အလောင်း တစ်လောင်း ရောက် လာ လို့ အဖေ စစ်ဆေး ပေး ရ ပါတယ်။ အမျိုး သား အလောင်း ပါ။ အိပ်ပျော်နေတဲ့ အချိန် ရည်းစား လု ဖက် က ရင်ဘက်ကို ဓါးမနဲ့ ခုတ် လိုက် တာ၊ ဓါး ဘယ်လောက် ထက် သလဲ ဆိုရင် သေသူရဲ့ ရင်ဘက်ပေါ် ခြေတင်ပြီး အိပ်နေတဲ့ သူ့ ညီ ၊ ၈ နှစ် ကလေး က ခြေကျင်း ၀တ် ကနေ ပြတ်ထွက် သွား ပြီး အကို ကတော့ ရင်ဘက် ပွင့် ထွက် သွားတယ်။

စစ်ဆေး ပြီးတော့ အလောင်း လာ ပြန် မယူသေးလို့ ရင်ခွဲ ရုံ ထဲ မှာ ပဲ ထား ပြီး တံခါး ဖွင့် ထား ပါတယ်။ အဲဒီ ည က လ သာ ည ဆိုတော့ ကျမတို့ မောင်နှမ နဲ့ ရွာထဲက ကလေးတွေ ရင်ခွဲ ရုံနဲ့ မလှမ်း မကမ်း မှာ ဆော့ နေကြ ပါတယ်။ ရင်ခွဲ ရုံထဲ မှာ မီး မရှိတော့ မှောင် မဲ နေပြီး ပြတင်းပေါက် က ၀င်တဲ့ လရောင် ကြောင့် ရင်ဘက် ဟတ်တက် အလောင်း ကောင် ကြီး ကိုတော့ ခုတင်ပေါ် မှာ စန့်စန့် ကြီး တွေ့ နေရ ပါတယ်။ ရွာထဲက သူငယ်ချင်း တွေ က အရင်တုန်း က လာမဆော့ ရဲ ကြပေမယ့် ကျမရဲ့ လူသေဆိုတာ လူရှင်လောက် ကြောက် စရာ မကောင်း ဘူး ဆိုတဲ့ တရား ကို ကြား နာပြီး သကာ လ ကျမ တို့ နဲ့ လာ ကစား ရဲ လာ ကြပေမယ့် ရင် ခွဲ ရုံ ဘက် ကိုတော့ ရဲရဲ မကြည့် ရဲ ကြပါဘူး။

အဲဒီ အချိန်မှာ ရင် ခွဲ ရုံ ဘက် ကနေ ဘုတ်ခနဲ ဘုတ်ခနဲ ထရံ ကို ရိုက် တဲ့ အသံနဲ့ အသက်ရှူ သံ ပြင်းပြင်း ကြီး ကို ကြား လိုက် ရ ပါတယ်။ ကြားကြား ချင်း မကြောက် တတ်တဲ့ကျမတောင် လန့်သွား တယ်။ ကြောက်တတ် တဲ့ သူငယ်ချင်း တချို့ အိမ် ပြန်ပြေး ကြ ပါတယ်။ အဲဒီ တဘုတ်ဘုတ် အသံ ကို ခဏ ခဏ ကြား ရတော့ ကျမ တို့ လည်း ကြောက် စိတ် ထက် သိချင် စိတ် က ပို လာ ပြီး အနား ကို တိုးကြည့် ကြ ပေမယ့် မှောင်မှောင်မဲမဲ ထဲ လရောင် မှုန်မှုန် အောက် က အလောင်းကောင်ကြီး ကလွဲ လို့ မတွေ့ ပါဘူ။နီးလာလေ အသံ ကလဲ ပို ကျယ် လာ လေ ဆိုတော့  ကျမ လည်း ရှင်းရှင်းလင်းလင်း သိချင်တာနဲ့ အထဲ ကို စမ်း တ၀ါးဝါး ၀င်သွား လိုက်  တယ်ပေါ့ ။ အထဲလဲ ရောက်ကော ကိုယ်လုံး ကြီး  တစ်ခု ကို ရုတ်တရက် ခလုက် တိုက်မိ် ပြီး အလောင်း တင်ထားတဲ့ ခုတင်ဘေး ပစ်လဲ ပါတော့ တယ်။

တကယ့် ကို ကြောက် စရာ ကြီး ပါ၊ ချို ကြီး တွေ ဆို တာ ကားနေ တာပဲ၊ ပြော မပြ တတ်အောင်ကို ကြောက် စရာ ကောင်း ပါတယ်။ ကျမ ဆို အူတွေ အသည်းတွေ ပွင့် သွား မတတ် ကို ကြောက် ပါ တယ်။ ကျမလည်း ဘယ်လို က ဘယ် လို အပြင်ရောက် သွား မှန်းတောင် မသိဘူး။ အဖေ့ ကို အော်ခေါ် ပြီး ပြေး တာ ဖနောင့် နဲ့ တင်ပါး တစ်သား တည်း ပါပဲ။ သတ္တိခဲ ကျမ တောင် ပြေး တယ် ဆိုတော့ ကျန်တဲ့ သူငယ်ချင်းတွေ လည်း ဘုမသိ ဘမသိ သရဲ သရဲ နဲ့ အော် ပြီး ပြေး လာ လိုက် ကြတာ ဆေး ရုံ တ၀န်း လုံး ကမ္ဘာ ပျက် မတတ် ပါပဲ။

လူနာတွေ၊ လူနာစောင့် တွေ ၊ ၀န်ထမ်း မိသား စု တွေ အားလုံး ထိတ်လန့် တကြား ဖြစ်ကုန် ပြီး အဖေ ထွက် လာတော့ ကျမ မှာ မော လွန်း လို့ စကားတောင် မပြော နိုင်ပဲ လက်ညှိုး ပဲ ထိုး ပြ နိုင် ပါတယ်။ ဆေး ရုံ ၀န်ထမ်း တွေ လည်း ရင်ခွဲရုံ ဘက် သွား ကြည့် ကြတာပေါ့ ။ သူတို့ လည်း တွေ့ သွား ပြီး အဲ ဒါ ကြီး ကို ဆွဲ ထုတ် လာ ပါတယ်။ တခြား ဟုတ်ပါ ရိုး လား ….ချို ကြီး ၂ ဘက် ကားနေ တဲ့ ကျွဲ ကြီး တစ် ကောင် ပါ။

တံခါး ဖွင့် ထားတဲ့ ရင်ခွဲ ရုံ ကို သူ့ တင်းကုတ် အမှတ် နဲ့ ၀င် အိပ်နေ တာ၊ နှာ မှုတ်သံ က တရှူးရှူး မြည်လို့  အမြှီး တရမ်းရမ်း က လည်း ထရံ ကို တဘုတ်ဘုတ် ပုတ် လို့ ။ ကျမ က ခလုက် တိုက် မိ တာ ကျွဲ မှန်း သိလို့ အကြောက် လွန်ပြီး ပြေး တာ ကို သူငယ်ချင်းတွေက သရဲ လို့ ထအော်ပြီး လိုက် ပြေး  တာ။ ကျမ က သရဲ မကြောက် တတ် ပေမယ့် ကျွဲ၊ နွား ၊မြင်း တိရိစ္ဆာန် တွေ ဆို အရမ်း ကြောက်ပါတယ်၊ တိရိစ္ဆာန် ဆိုတာ အစိုး မှ မရတာ။ သူတို့ က ကျွဲ၊ နွားတွေ နဲ့ ဖက်ပြီး ကြီး လာ တာဆိုတော့ ကျမ ကျွဲ ကြောက် လို့ ပြေး တာ ကို ဟား လို့ မဆုံးဘူး။ ဒါပေမယ့် တိုက်နယ် တကြော မှာတော့  ဆရာဝန်သမီး ကို ရင်ခွဲ ရုံ သရဲ ခြောက်လို့ ဆို ပြီး ပြောစမှတ် ကို ပြု လို့။