ရုပ်ရှင်နယ်ပယ်အတွင်းမှာ အရေအတွက် မများလှတဲ့ ကလေးသရုပ်ဆောင်တွေ ရှိကြတဲ့အနက် ဆံပင်ရှည်ရှည်၊ ချစ်စဖွယ် အပြုံးနဲ့ အမူအရာ ပီပြင်လှတဲ့ ကလေးသရုပ်ဆောင်လေးကတော့ အကယ်ဒမီယွန်းယွန်းပဲ ဖြစ်ပါတယ်။ ကလေးသရုပ်ဆောင်တစ်ဦး အဖြစ်နဲ့ ဇာတ်ကားပေါင်းများစွာမှာ ပါဝင်ခဲ့သလို အကယ်ဒမီထူးချွန်ဆုသမိုင်းမှာ ရခဲလှတဲ့ ကလေးသရုပ်ဆောင် အထူးဆုကိုပါ ဆွတ်ခူးရရှိနိုင်ခဲ့သူ ဖြစ်ပါတယ်။ လက်ရှိအချိန်မှာတော့ တက္ကသိုလ် တက်ရောက်နေပြီး ဆယ်ကျော်သက်အရွယ်ကို ရောက်ရှိနေသူလည်း ဖြစ်ပါတယ်။
ချစ်ခင်တဲ့ပရိသတ်များရဲ့ မျက်စိရှေ့မှောက်မှာပဲ တစစကြီးပြင်း အရွယ်ရောက်လာခဲ့သူ အကယ်ဒမီယွန်းယွန်းရဲ့ ငယ်စဉ်ဘ၀ အမှတ်တရ ပုံရိပ်အချို့ကို တင်ဆက်ပေးချင်ပါတယ်။ ယွန်းယွန်းကို ဇန်န၀ါရီ ၁၉ ရက် ၂၀၀၀ ပြည့်နှစ်မှာ ရန်ကုန်မြို့မှာပဲ မွေးဖွားခဲ့တာပဲ ဖြစ်ပါတယ်။ အဘွားဖြစ်သူက သရုပ်ဆောင် ဒေါ်သဲနုအောင်ဖြစ်တာကြောင့် အနုပညာမျိုးရိုးရှိသူ တစ်ဦးလို့လည်း ပြောလို့ရပါတယ်။ ငယ်စဉ်ကလေးဘ၀မှာကတော့ ရုပ်ရှင်ရိုက်တမ်း ကစားတာတွေ၊ သရုပ်ဆောင် တစ်ယောက်လို ဟန်ပန်လုပ်တာတွေ၊ ကြော်ငြာတွေထဲက မင်းသမီးရဲ့ဟန်ပန်အတိုင်း လိုက်လုပ်တတ်တာတွေက အမှတ်တရပါပဲလို့ ယွန်းယွန်းက ဆိုပါတယ်။ ယွန်းယွန်းရဲ့ ကလေးသရုပ်ဆောင် တစ်ဦးအနေနဲ့ ပထမဆုံးအစက အသက်သုံးနှစ်ခွဲလောက်မှာ ဗီဒီယိုဇာတ်ကားတစ်ကားမှာ ပါဝင်ဖြစ်သွားတာပါလို့ အမှတ်တရ ပြောပြခဲ့ပါတယ်။
“အရင်ကတည်းကလည်း ရှုတင်တွေနဲ့က မစိမ်းတော့ ရှုတင်တွေ လိုက်သွားရင်းနဲ့ အသက်သုံးနှစ်ခွဲလောက်မှာ ရိုက်မလားလို့ လူကြီးတွေက မေးကြတာပေါ့။ အမြဲတမ်း မြင်တွေ့နေကျ အရာလည်းဖြစ်နေတော့ လုပ်မယ်ဆိုပြီးတော့ပဲ ပထမဆုံးဇာတ်ကားကို ရိုက်ဖြစ်သွားတာ။ တကယ်တမ်းရိုက်တော့ လူကြီးတွေ အများကြီးနဲ့ နေ့တိုင်းရိုက်လိုက်ရလို့လားတော့ မသိဘူး။ ဇာတ်ကားပြီးတော့ ဖျားသွားတာလည်း အမှတ်တရပါပဲ။ အဲဒီပထမဆုံး ဇာတ်ကားက ဦးကျော်ဟိန်းနဲ့ ဗီဒီယိုဇာတ်ကားပါ။ ဦးကျော်ဟိန်းကို နာမည်ကြီးတယ်ဆိုတာလည်း ကလေးဆိုတော့ သိပ်မသိဘူး။ ဦးကျော်ဟိန်းရဲ့ သမီးနေရာက သရုပ်ဆောင်ရတာဆိုတော့ သူကလည်းနွေးနွေးထွေးထွေး ဆက်ဆံတဲ့ အခါကျတော့ အဲဒီဇာတ်ကားရိုက်နေရင်းနဲ့ ကိုယ်သရုပ်ဆောင်ရမယ့် အချိန်မဟုတ်ရင်တောင် ဦးကျော်ဟိန်းကို ဖေဖေဆိုပြီး ခေါ်နေတာကတော့ အမှတ်တရပါပဲ” လို့ ယွန်းယွန်းက ပြောပြခဲ့ပါတယ်။ ဒီနောက်မှာတော့ ယွန်းယွန်းက ရုပ်ရှင်နဲ့ ဗီဒီယိုဇာတ်ကားပေါင်းများစွာမှာ ကလေးသရုပ်ဆောင် တစ်ဦးအနေနဲ့ ပါဝင်သရုပ်ဆောင်ခဲ့ပါတယ်။
ဗီဒီယိုမှာဆိုရင်တော့ ဒါရိုက်တာ ကျော်ဇောလင်း (အတွေးပုံရိပ်) နဲ့ ရိုက်ကူးဖြစ်ခဲ့တဲ့ ဇာတ်ကားလေးတွေကို အမှတ်တရရှိခဲ့ပြီး ရုပ်ရှင်ကားကြီးတွေမှာတော့ အကယ်ဒမီဝိုင်းနဲ့ ရိုက်ကူးခဲ့ရတဲ့ စေတန်ရဲ့ကချေသည်၊ လက်ပံ၊ ကျွန်မကနှင်းဆီပါမောင် ဇာတ်ကားတွေက အမှတ်တရပါလို့ ဆိုပါတယ်။ ဇာတ်ကားတစ်ကားချင်းစီတိုင်းမှာ သိကျွမ်းနားလည်သလောက် ကြိုးစားခဲ့တာဖြစ်လို့ ပြန်ကြည့်တိုင်းတော့ အမှတ်ရပါတယ်လို့လည်း ဆိုခဲ့ပါသေးတယ်။ ယွန်းယွန်းက ကလေးသရုပ်ဆောင် တစ်ဦးအနေနဲ့ အနုပညာလုပ်ငန်းတွေ လုပ်ကိုင်နေရင်းမှာပဲ ကျောင်းပညာရေးကိုလည်း မလစ်ဟင်းစေခဲ့ပါဘူး။ ကျောင်းစာတွေကို နားလည်တတ်ကျွမ်းအောင် အပင်ပန်းခံပြီး ကြိုးစားခဲ့တယ်လို့ ဆိုပါတယ်။ ကျောင်းတက်စဉ်မှာ တွေ့ဆုံခဲ့ရတဲ့ သူငယ်ချင်းတွေကတော့ ငယ်စဉ်ကလေးဘ၀တည်းက သူငယ်ချင်းများနဲ့သာ နှစ်စဉ်အတန်းတိုင်းမှာ ကြုံဆုံရတာဖြစ်လို့ ကလေးသရုပ်ဆောင်အဖြစ် တည်ရှိနေမှုက ကျောင်းသူတစ်ယောက်ဘ၀ကိုလည်း အများကြီး အနှောင့်အယှက် မဖြစ်စေခဲ့ဘူးလို့ ယွန်းယွန်းက ဆိုပါတယ်။ ကလေးသရုပ်ဆောင်တစ်ဦးအဖြစ် ဇာတ်ကားပေါင်းများစွာ ရိုက်ကူးအပြီးမှာတော့ ‘တိမ်မင်းသမီးရဲ့ဒဏ္ဍာရီ’ ရုပ်ရှင်ဇာတ်ကားမှာ နှစ်ကိုယ်ခွဲဇာတ်ရုပ်နဲ့ အကယ်ဒမီသမိုင်းရဲ့ ရခဲလှတဲ့ အထူးဆုကို ရရှိခဲ့ပါတယ်။ ဒီဇာတ်ကားမှာ ကြိုးစားအားထုတ်ခဲ့ရတဲ့ အမှတ်တရတွေနဲ့ ဆုရရှိခဲ့တဲ့အပေါ် ပျော်ရွှင်မှုကိုလည်း ယွန်းယွန်းက အခုလိုပဲ ဆိုပါတယ်။
“အဲဒီဇာတ်ကားမှာက ယွန်းလည်းအရမ်းပင်ပန်းသလို မေမေလည်းတော်တော်လေး ပင်ပန်းတယ်။ ဇာတ်ကားထဲက နှစ်ကိုယ်ခွဲစရိုက်က လုံးဝဆန့်ကျင်ဘက် ဖြစ်နေရမှာလေ။ ရိုက်နေရင်းနဲ့ မိတ်ကပ်၊ ဆံပင်ကအစ ပုံစံချက်ချင်း ပြောင်းရတာဆိုတော့ တော်တော်လေး ပြင်ဆင်ရသလို ပင်ပန်းတယ်။ ပြီးတော့နယ်မှာ အချိန်ယူပြီးသွား ရိုက်ခဲ့ရတဲ့ဇာတ်လမ်းပေါ့။ အဲဒီလိုပင်ပန်းတာတွေက ရုံတင်တဲ့အချိန် ပရိသတ်တွေက ကြိုက်တယ်ဆိုတာနဲ့တင် ကျေနပ်နေပါပြီ။ ဆုတွေဘာတွေလည်း မမှန်းပါဘူး။ တကယ်တမ်း အကယ်ဒမီပွဲနီးလာတော့ ပရိသတ်တွေကလည်း ရစေချင်ကြတယ်။ မီဒီယာတွေကလည်း မေးပေးကြတယ်ဆိုတော့ ရင်တော့ခုန်တာပေါ့။ တကယ်လည်း ဆုရသွားရော ကိုယ်တိုင်အတွက်ပျော်တယ်ဆိုတာထက် ရစေချင်တဲ့သူတွေ ပျော်ကြတယ်ဆိုတာနဲ့တင် ကျေနပ်ပါတယ်” လို့ ယွန်းယွန်းက အမှတ်တရ ဆိုခဲ့ပါတယ်။
ယွန်းယွန်း က ဆယ်ကျော်သက်အရွယ် ရောက်လာချိန်မှာတော့ ကလေးသရုပ်ဆောင် တစ်ဦးအနေနဲ့ ဇာတ်ကားရိုက်ကူးမှုတွေ ရပ်နားပြီး တက္ကသိုလ်ဝင်တန်း စာမေးပွဲကို ဂုဏ်ထူးနှစ်ဘာသာနဲ့ ထူးချွန်စွာ အောင်မြင်အောင် ကြိုးစားခဲ့ပါတယ်။ ဒီနောက်မှာတော့ စိတ်ပညာအထူးပြုနဲ့ တက္ကသိုလ်တက်ရောက်နေသလို နိုင်ငံတကာ အသိအမှတ်ပြု လက်မှတ်တစ်ခုဖြစ်တဲ့ UK က ABE Business Management ကို Level 4 ဖြေဆိုအောင်မြင်ထားပြီး Level 5 မှာ တက်ရောက်နေတယ်လို့ ပြောပြခဲ့ပါတယ်။ ဆယ်ကျော်သက်အရွယ်ရောက်လာချိန်မှာ အကယ်ဒမီယွန်းယွန်းက နောက်ထပ် အနုပညာခြေလှမ်းသစ် တစ်ခုအနေနဲ့ ‘မနေ့ကဖြစ်သည်’ ရုပ်သံဇာတ်လမ်းတွဲမှာပါဝင် သရုပ်ဆောင်ခဲ့ပါတယ်။ ‘မနေ့ကဖြစ်သည်’ ဇာတ်လမ်းတွဲနဲ့ ပတ်သက်လို့လည်း သရုပ်ဆောင် ယွန်းယွန်းက “အဲဒီဇာတ်ကားက ဇာတ်လမ်းလေးကို ကြည့်တော့လည်း လုပ်ကြည့်ချင်တယ်။
မလုပ်ဖူးသေးတဲ့ ကာရိုက်တာမျိုးပေါ့။ တွဲဖက်သရုပ်ဆောင်ရမှာကလည်း လူငယ်တွေပဲဆိုတော့ လုပ်ကြည့်မယ်လေဆိုပြီး ရိုက်ဖြစ်သွားတာ။ တကယ်တမ်းရိုက်တဲ့ အချိန်တွေတုန်းကလည်း လူတစ်ယောက်ကို ချစ်မိသွားတဲ့ ဆယ်ကျော်သက် မိန်းကလေးတစ်ယောက် ခံစားမှုမျိုး၊ သူ့ကိုစိတ်ဝင်စားလာအောင် မာယာတွေ သုံးရတာမျိုးဆိုရင် ခက်ခဲပါတယ်။ စိတ်တွေကျဉ်းကျပ်မိတဲ့အထိ ခက်ခဲခဲ့တယ်။ ရုပ်သံမှာပြတဲ့ အခါကျတော့လည်း ပရိသတ်တွေက ယွန်းကိုပဲတွေ အရမ်းများလာတယ်။ အိုဗာအက်တင်တွေ လုပ်တယ်လို့ ဇာတ်ကားအစပိုင်းမှာ ပြောကြတော့ စိတ်မကောင်းဖြစ်ရတာပေါ့နော်။
တကယ်တမ်း ဇာတ်ကားဆုံးသွားတဲ့ အခါကျတော့မှ ဒီလိုစိတ္တဇဝေဒနာရှိလို့ ဒီလိုအိုဗာတွေ လုပ်ပြတာပါလားလို့ နားလည်ပြီး ချီးကျူးကြတယ်။ အဲဒီအချိန်ကျမှပဲ သက်ပြင်းချနိုင်ပါတယ်။ ယွန်းအတွက်တော့ အမှတ်တရရှိရတဲ့ ဇာတ်ကားတစ်ကားပါ” လို့ ပြောပြခဲ့ပါတယ်။ လက်ရှိမှာတော့ ခေါင်းဆောင်မင်းသမီးအနေနဲ့ ရိုက်ကူးဖို့ ကမ်းလှမ်းမှုတွေ ရှိပေမယ့် ကလေးအဖြစ်သာ မြင်သေးတဲ့ ပရိသတ်တွေနဲ့ ခေါင်းဆောင်မင်းသမီးအဖြစ် ရိုက်စေချင်တဲ့ ပရိသတ်နှစ်ပိုင်းကွဲနေတာကြောင့် တွေဝေနေမိတယ်လို့လည်း ပွင့်ပွင့်လင်းလင်း ဆိုခဲ့ပါတယ်။ လက်ရှိအသက်အရွယ်၊ ဇာတ်ကောင်စရိုက်နဲ့ အံဝင်ခွင်ကျဖြစ်တာမျိုး ရှိရင်တော့ အကောင်းဆုံးရွေးချယ်ပြီးတော့ လုပ်ဖြစ်သွားမှာပါလို့လည်း ယွန်းယွန်းက ဆိုခဲ့ပါတယ်။
Credit:apannpyay