ဆီးရီးယားတိုက်လေယာဉ်ကို ပစ်ချမှုနှင့်ပတ်သတ်ပြီး အမေရိကန်ကို သတိပေးလိုက်တဲ့ ရုရှား

ဇွန်လ ၁၈ရက်နေ့မှာ ဆီးရီးယား တိုက်လေယာဉ် SU-22 ကို အမေရိကန် FA-18 တိုက်လေယာဉ် မှ ဆီးရီးယား အပိုင် ရက္ကာမြို့အနီးတွင် ပစ်ချခဲ့မှုနဲ့ ပတ်သက်ပြီး ဆိုးရွားတဲ့ အကျိုးဆက်များကြုံလာနိုင်းကြောင်း ရုရှားက အမေရိကန်ကို သတိပေးလိုက်ပါတယ်။

ဆီးရီးယားကစိုးရက မိမိတို့ လေယာဉ်ကို ပစ်ချခြင်းသည် အကြမ်းဖက်မှု နှိမ်နင်းရေး အားထုတ်ကြိုးပမ်းမှုကို ဆိုးဆိုးရွားရွား ထိပါးလာခြင်းဖြစ်သည်လို့ ပြောကြားခဲ့ပါတယ်။

အမေရိကန်ကတော့ ယင်းသို့ပစ်ချခြင်းသည် မိမိကိုယ်ကို ကာကွယ်မှုသက်သက် သာဖြစ်ကြောင်းပြန်လည် တုံ့ပြန်ခဲ့သည်။ အမေရိကန်၏မဟာမိတ်ဖြစ်တဲ့ SDF ဆီးရီးယားတော်လှန်ရေးအဖွဲ့သည် ရက္ကာမြို့စွန်ရှိ ဂျာဒင်းမြို့ကိုထိန်းချုပ်ထားပြီး အိုင်အက်စ်၏ အဓိကအခြေကုပ်စခန်းဖြစ်တဲ့ ရက္ကာကို ထိုးစစ်ဆင်တိုက်ခိုက် နေချိန်တွင် ဆီးရီးယားအစိုးရမှ အိုင်အက်စ် တို့ကိုတိုက်ခိုက်သည်ဟုဆိုကာ SDF အပါအ၀င် အတိုက်အခံ သူပုန်များကိုပါ ဗုံးကြဲနေသောကြောင့် ယခုအချီမှာတော့ ပစ်ချရခြင်းဖြစ်သည်ဟု အမေရိကန်ကဆိုပါတယ်။ SU-22 ကို ပစ်မချမီ ၂နာရီခန့် အလိုမှာ ဆီးရီးယားသမ္မတ ဘာရှာအယ်လ်အာဆက်ကို သစ္စာခံသော တပ်ဖွဲ့များ ဟာ SDF များကိုတိုက်ခိုက်ကာ ဂျာဒင်းမြို့ထဲမှမောင်းထုန်းရန်ကြိုးစားခဲ့ကြောင်း၊ SDF တပ်သား အတော်များများ ဒဏ်ရာရခဲ့ကြောင်း၊ ထို့ကြောင့် မဟာမိတ်များကိုကာကွယ်ရန် လိုအပ်သသည့် တုံ့ပြန်မှုကို ဆောင်ရွက်ခဲ့တာ ဖြစ်ကြောင်း အမေရိကန်စစ်ဌာနချုပ် ပင်တဂွန်က ပြောကြားခဲ့ပါတယ်။

ဆီးရီးယားအစိုးရဟာ ရုရှား၏မဟာမိတ်ဖြစ်သည့်အတွက် ထိုကိစ္စဟာ အမေရိကန်နဲ့ ရုရှားတို့ရဲ့ဆက်ဆံရေး ကိုပိုမိုအေးခဲသွားစေပါတယ်။ ၂၀၁၁ ခုထဲကစတင်ခဲ့တဲ့ ဒီစစ်ပွဲတစ်လျှောက်မှာ ဆီးရီးယားလေယာဉ်ကို အမေရိကန်မှ ပစ်ချတာ ပထမဦးဆုံးဖြစ်ပါတယ်။ အမေရိကန်နဲ့ ရုရှားတို့ ဆီးရီးယားရှိအိုင်အက်စ်များကို ကိုယ့်နည်းကိုယ့်ဟန်ဖြင့် တိုက်ခိုက်နေချိန်တွင် ထိပ်တိုက်တွေ့ဆုံမှုမဖြစ်ရအောင် အရေးပေါ်ဆက်သွယ်ရေး လိုင်းတစ်ခုကိုထားရှိထားပြီး အဆိုပါလေယာဉ်ကို ပစ်ချချိန်တွင် အမေရိကန်ကထိုလိုင်းကို အသုံးပြုပြီး ရုရှားကို ကြိုတင်အသိပေးမှုမရှိခဲ့ချေ၊ ထို့ကြောင့်ရုရှားမှ မကျေမနပ်ဖြစ်ပြီး ဆက်သွယ်ရေးကို ဆိုင်းငံ့ပိတ်ပင် ထားကြောင်းသိရသည်။

ထို့ပြင် ယူဖရေးတီးမြစ် အနောက်ပိုင်းတွင် ထောက်လှမ်းတွေ့ရှိရသည့် ပျံသန်းနေသော အရာဝတ္ထု အားလုံးသည် ရှရှားလေးကြောင်းကာကွယ်ရေး၏ ပစ်မှတ်များအဖြစ် သတ်မှတ်ခံရ လိမ့်မည်ဖြစ်ကြောင်း၊ ယူဖရေားတီးမြစ်ကို ကျော်လွန်လာသော အမေရိကန်နှင့် မဟာမိတ် လေယာဉ်အားလုံးကို လည်း ရုရားကပစ်ချမည်ဖြစ်ကြောင်း ရုရှားကာကွယ်ရေး ၀န်ကြီးဌာန၏ နောက်ဆုံးထုတ်ပြန်ချက်အရ သိရှိရပါသည်။

အမေရိကန် ပင်တဂွန်စစ်ဌာနချုပ်မှလည်း ရုရှားကမည်သို့ပင် ခြိမ်းခြောက်စေကာမှု ဆီးရီးယားရှိ အိုင်အက်စ်များ ကိုလေကြောင်းမှ တစ်ဆင့်ဆက်လက်တိုက်ခိုက် သွားမည်ဖြစ်ကြောင်းပြန်လည် ထုတ်ပြန်ပြောဆိုခဲ့သည်။