ဟားဗတ်တက္ကသိုလ် (Harvard University) မှာ အိုဘာစီ ရှော (Obasi Shaw) ဟာ Rap Album ကို နောက်ဆုံးနှစ် ကျမ်းပြုတင်သွင်းရာပြီးနောက် ဂုဏ်ထူးနဲ့ ဘွဲ့ရခဲ့ပါတယ်။ Rap Album ကို ကျမ်းပြုတာကတော့ ဟားဗတ်တက္ကသိုလ်သမိုင်းတစ်လျှောက်မှာ အိုဘာစီ ရှောတစ်ယောက်ပဲ ရှိပါသေးတယ်။ Rap Album ရဲ့နာမည်ကိုတော့ “Liminal Minds” လို့နာမည်ပေးထားပြီး သီချင်း ၁ဝပုဒ်ပါဝင်ပြီး တက္ကသိုလ်ရဲ့ဒုတိယအမြင့်ဆုံး ဂုဏ်ထူးဘွဲ့ကို ဆွတ်ခူးခဲ့ပါတယ်။
သီချင်းတစ်ပုဒ်ချင်းစီမှာ ရှုထောင့်မျိုးစုံကနေ တင်ပြထားရုံမက အလယ်ခေတ်စာဆိုတော် ဂရော့ဖီးလ် ချောစာ ( Geoffrey Chaucer) ရဲ့ The Canterbury Tales ကို အတုယူထားပါတယ်။ အမေရိကန်နိုင်ငံမှာ ကြုံတွေ့နေရတဲ့ လူမည်းပြဿနာသာမက အနိုင်ကျင့်ခံရမှုနဲ့ ညှင်းပမ်းနှိပ်စပ်ခံရမှုတွေကိုပါ ရေးသားထားပါတယ်။ ဂျော်ဂျီရာပြည်နယ် (Georgia) စတုန်းမောင်တိန်မြို့ (Stone Mountain) မှာ နေထိုင်တဲ့ အိုဘာစီ ရှောဟာ သူ့ရဲ့တေးစီးရီးကို ဟားဗတ်တက္ကသိုလ်က လက်ခံလိမ့်မယ်လို့ မစဉ်းစားမိဘူးလို့ ဆိုပါတယ်။
Post a Comment