ဂိုးသမားက ၁၃၁ ဂိုးသွင်းသတဲ့ဗျာ

ဂိုးသမားဆိုတာက ပြိုင်ဘက်ကစားသမားတွေရဲ့ တိုက်စစ်ကို ဂိုးပေါက်မှာ မဟာတံတိုင်းကြီးသဖွယ် ကာကွယ်ပေးရတဲ့အလုပ်ဖြစ်ပါတယ်။ ဂိုးပေါက်ထဲ ကန်သွင်းမယ့် ဘောလုံးကိုပဲ အာရုံစိုက်နေရတာဖြစ်တဲ့အတွက် ဂိုးပေါက်ရှေ့ကနေ တစ်ဖဝါးမှခွာလို့ မဖြစ်ပါဘူး။ လောကမှာ မထင်မှတ်တဲ့ရှုထောင့်ကနေ အံ့သြစရာရလဒ်တွေကို ဖြစ်တတ်တဲ့ဓမ္မတာနည်းတူ ဂိုးသမားတစ်ယောက်ဟာ သက်တမ်းတစ်လျှောက်မှာ ဂိုး ၁ဝဝကျော်သွင်းဖူးရင် ယုံကြမလား မသိဘူး။ မယုံမရှိနဲ့ တကယ်ပါ။

ဘရာဇီးနိုင်ငံ ဆာအိုပေါ်လိုကလပ်(São Paulo FC) က ဂိုးသမားကြီး ရိုဂီရီယို ဆီနီ (Rogério Ceni) ဆိုရင် ဘောလုံးသမားသက်တမ်းတစ်လျှောက်မှာ ပြိုင်ပွဲစုံ ၁၃၁ဂိုးသွင်းယူပြီး ဂိုးအများဆုံး သွင်းယူတဲ့ဂိုးသမား (Goalkeeper to have Scored the Most Goals) အဖြစ် ဂင်းနစ်စံချိန်တင် (Guinness World Record) ထားပါသေးတယ်။ ရိုဂီရီယို ဆီနီရဲ့ ဂိုးအရေအတွက်ဟာ မန်ယူနောက်ခံလူဟောင်း ရီယိုဖာဒီနန် (Rio Ferdinand ) နဲ့ ချဲလ်ဆီးနောက်ခံလူဟောင်း ဂျွန်တယ်ရီ (John Terry) သွင်းခဲ့တဲ့ ဂိုးအရေအတွက်ထက်တောင် များပါသေးတယ်။ ဂိုးသမားကြီး ရိုဂီရီယို ဆီနီဟာ အလွတ်တည်ကန်ဘော (Free Kick) နဲ့ ပင်နယ်တီ (Pinalty) ကနေ ဂိုးသွင်းယူခဲ့တာဖြစ်ပါတယ်။




ဆာအိုပေါ်လိုကလပ်မှာ လူငယ်ဘောလုံးသမားဘဝကနေ ပွဲထွက်ဂိုးသမားအထိ ၁၉၉ဝခုနှစ်ကနေ ၂ဝ၁၅ခုနှစ်အထိ ၂၅နှစ်တိတိ ကစားခဲ့ပြီး ဘရာဇီးလိဂ်ချန်ပီယံ (Campeonato Brasileiro Série A) ၃ကြိမ်အထိ အောင်မြင်မှုရရှိခဲ့ပါတယ်။ ဘရာဇီးလက်ရွေးစင်အသင်းနဲ့အတူ ၁၆ပွဲကစားခဲ့ပြီး ၂ဝဝ၂ကမ္ဘာ့ဖလားချန်ပီယံနဲ့ ၁၉၉၇ တိုက်ကြီးများဖလားချန်ပီယံဖြစ်ခဲ့ပါတယ်။ ဂိုးသွင်းအများဆုံး ဂိုးသမားကြီး ရိုဂီရီယို ဆီနီဟာ မိခင်ကလပ် ဆာအိုပေါ်လိုမှာ နည်းပြအဖြစ် တာဝန်ထမ်းဆောင်နေလျှက်ရှိကြောင်းပါခင်ဗျာ။