ကျွန်မတို့တွေဟာ ကိုယ်နေ့စဉ်အသုံးပြုနေကျ ပစ္စည်းတွေရဲ့သက်တမ်းကို အတိအကျသိတယ်ဆိုတာနည်းပါတယ်။ စုတ်ပြတ်သွားမှ သုံးမရတော့မှာ လွှင့်ပစ်လိုက်တာရှိသလို တစ်ခါတလေကျတော့ ဒီအချိန်ဆိုလဲသင့်ပြီဆိုတဲ့ အသိနဲ့အသစ်ဝယ်လိုက်ကြတာမျိုးရှိပါတယ်။ ဒါကြောင့် ဘယ်ပစ္စည်းက ဘယ်လောက်ထိသက်တမ်းရှိတယ်ဆိုတာကို သိစေဖို့ဗဟုသုတအဖြစ်မျှဝေလိုက်ပါတယ်။
ခေါင်းအုံး ( ၂နှစ် မှ ၃ နှစ်)
ခေါင်းအုံးတစ်လုံးကို အချိန်တွေအကြာကြီး သုံးလာတဲ့အခါ အိပ်စက်မှုအနေအထားကိုထောက်ပံ့ပေးနိုင်တဲ့ သူ့ရဲ့ပုံစံဟာ ပျက်ယွင်းသွားတာကြောင့် ၂ နှစ် ၃ နှစ်လောက်ရှိပြီဆိုရင် လဲသင့်ပါပြီ။ ကိုယ့်အတွက်အဆင်မပြေတော့တဲ့ ခေါင်းအုံးက လည်ပင်းနာတာမျိုး အိပ်စက်ချိန်မှာကောင်းမွန်တဲ့အထောက်အပံ့ မပေးတာကြောင့် အသက်ရှူရခက်ခဲတာမျိုး ဖြစ်စေတတ်ပါတယ်။ရေမြှုပ် (၂ ပတ် )
ပန်းကန်ဆေးရာမှာသုံးတဲ့ ရေမြှုပ်တွေဟာ ဘက်တီးရီးယားတွေခိုအောင်းနေနိုင်ဖို့ အခွင့်အရေးအရမ်းများပါတယ်။ ဒါကြောင့် ဒီလိုရေမြှုပ်တုံးတွေက သုံးနေတယ်ဆိုရင် နှစ်ပတ်တစ်ကြိမ်အသစ်လဲသင့်ပါတယ်။ နောက်တစ်ခုက ရေချိုးခန်းသုံးရေမြှုပ်ဖတ်တွေပါ။ ပိုက်ကွန်(သို့မဟုတ်) အဝတ်နဲ့ချုပ်ထားတဲ့ ရေမြှုပ်ဖပ်တွေကတော့ ရေစစ်ပြီးနေပြထားပေးရင် ၆ လလောက်အထိ သုံးနိုင်တယ်လို့သိရပါတယ်။ပဝါ (၁ နှစ် မှ ၃ နှစ်)
မျက်နှာသုတ်ပဝါ ၊ ရေချိုးခန်းသုံးပဝါတွေရဲ့ သက်တမ်းက တစ်နှစ်ကနေ သုံးနှစ်အထိဖြစ်ပါတယ်။ အသုံးပြုပြီးတိုင်းနေနဲ့လေရှိတဲ့နေရာမှာထားပေးရင် ရောဂါပိုးမွှားတွေလည်းမတွယ်ကပ်နိုင်သလို အနံ့ဆိုးတွေလည်း မစွဲနိုင်ပါဘူး။ တစ်ပတ်တစ်ကြိမ်သေသေချာချာ လျှော်ပေးဖို့လည်းလိုပါတယ်။သွားတိုက်တံ ( ၃ လ)
သွားတိုက်တံတွေရဲ့ အရှည်ကြာဆုံးသက်တမ်းကသုံးလပါ။ သုံးလပြည့်ပြီဆိုရင် မဖြစ်မနေလဲဖို့သင့်ပါပြီ။သွားတိုက်တံရဲ့ အမွေးတွေဖွာထွက်လာတာ ၊ ကျွတ်လာတာမျိုးဆိုရင် မသုံးသင့်တော့ပါဘူး။ အညစ်အကြေးတွေကပ်ငြိပြီး မည်းလာတာမျိုးဆိုရင် မဖြစ်မနေလဲသင့်နေပါပြီ။ခေါင်းဖြီးဘရပ်ရှ် ( ၁ နှစ်)
ခေါင်းဖြီးတဲ့ ဝက်မှင်ဘီးတွေ ၊ Hairbrush တွေကို ပုံမှန်သန့်ရှင်းရေးလုပ်ပေးသင့်သလို တစ်နှစ်ခန့်ရှိပြီဆိုရင် အသစ်လဲသင့်ပြီလို့ဆိုပါတယ်။ သူ့ကိုပြုလုပ်ထားတဲ့ ပါဝင်ပစ္စည်းတွေက တစ်နှစ်ခန့်သာ သက်တမ်းရှိတာမို့ အကြာကြီး အသုံးပြုမိနေရင် ဆံကေသာအတွက်မကောင်းနိုင်ပါဘူး။ဘရာစီယာ ( ၁ နှစ်မှ ၂ နှစ်)
ဘရာစီယာကောင်းကောင်းတစ်ထည်ဝယ်ထားတယ်ဆိုရင် တစ်နှစ်မှ နှစ်နှစ်အထိ သုံးနိုင်ပါတယ်။ တချို့ဘရာတွေက အရည်အသွေးကြောင့် ၆ လလောက်အကြာမှာကောင်းမွန်တဲ့အထောက်အပံ့မပေးနိုင်တော့တာမျိုးရှိပါတယ်။ အရည်အသွေးကောင်းတဲ့ ဘရာတွေကတော့ သပ်သပ်ရပ်ရပ် ဝတ်ဆင်ထားသိုမယ်ဆိုရင် ၂နှစ်လောက်အထိ ကောင်းကောင်းဝတ်ဆင်နိုင်ပါသေးတယ်။အပြေးဖိနပ် ( ၁နှစ်)
အပြေးလေ့ကျင့်တဲ့ဖိနပ်တွေဟာ ယေဘုယျအားဖြင့် ၁ နှစ်ကြာအထိ အသုံးချနိုင်ပါတယ်။ မိုင် ၂၅၀ လောက်သူ့ကို အသုံးချပြီးပြီဆိုရင် ထပ်မသုံးသင့်တော့ပါဘူး။ အောက်ခံနင်းပြားတွေမကောင်းနိုင်တော့တဲ့အတွက် ၁ နှစ်လောက်သက်တမ်းရှိရင် အသစ်ဝယ်သင့်နေပါပြီ။ကဲ…ချစ်ဆုံးတို့ ကျန်းမာရေးအတွက်ဆိုတော့ လဲသင့်တာလဲ ဖယ်သင့်တာတွေဖယ်ပေါ့နော်။