Halo Effect သို့မဟုတ် လူ့ပတ်ဝန်းကျင်၏ ရောင်ခြည်စက်ဝန်းသက်ရောက်မှု

 

ကျွန်မတို့ နေထိုင်ရာ လူ့ပတ်ဝန်းကျင်မှာ ကျွန်မတို့ဟာ အခြားသူတွေနဲ့ ဆက်ဆံပြောဆိုတဲ့အခါ “ကြိုတင်မှန်းဆ” တဲ့အကြည့်တွေနဲ့ သူတို့ကို ကြည့်မိတတ်ပါတယ်။ ထိုလူတွေကို ကျွန်မတို့က “ဘောင်” ဆိုတဲ့ အကန့်အသတ် တစ်ခုထဲသွင်းပြီး ဒီဘောင်ထဲကကြည့်ရင် ဒီလူကတော့ လူကောင်း၊ဒီလူကတော့ လူဆိုးဆိုပြီးခွဲခြားလေ့ရှိပါတယ်။

ဥပမာအနေနဲ့ပြောရမယ်ဆိုရင် ခွေးအဟောင်ခံရသူတိုင်းဟာ သူခိုးဟုတ်ချင်မှဟုတ်မှာပါ။ စာပို့သမား လည်းဖြစ်နိုင်ပါတယ်။ ပြီးတော့ မုတ်ဆိတ်အရှည်ထားတဲ့ သူတိုင်းဟာလည်း အနုပညာသည် ဟုတ်ချင်မှဟုတ်မယ်။ ဆံပင်အရှည်ထားတိုင်းလဲ လမ်းသရဲဖြစ်ချင်မှဖြစ်မယ်။

ဒီလိုပဲ ရပ်ကွက်ထဲက ဦးမောင်ဟာ သောကြာနေ့ ညနေတိုင်းမှာ နေမကောင်းဖြစ်နေတဲ့ မိခင်ကို ပြန်ကြည့်တဲ့မိန်းမဖြစ်သူကို ဘူတာရုံကို အမြဲလိုက်ပို့တတ်တယ်။ အဲ့ဒီဦးမောင်ရဲ့ဇနီးစီးတဲ့ ရထားထွက်သွားပြီးနောက် ဆယ်မိနစ်အကြာမှာ ဦးမောင်ဇနီးမရှိတုန်း အိမ်မှာထမင်းဟင်း ဝိုင်းကူချက်ပြုတ်ပေးမဲ့ ဦးမောင်ရဲ့ညီမဖြစ်သူ လိုက်ပါလာမဲ့ရထားက ဘူတာဆိုက်တယ်။

အဲ့တော့ဦးမောင်က ညီမဖြစ်သူကို တစ်ခါတည်းစောင့်ကြိုပြီး အိမ်ကိုခေါ်လာတယ်။ဒီလိုနဲ့ တနင်္ဂနွေနေ့ ညနေမှာတော့ ညီမဖြစ်သူကို ဘူတာရုံလိုက်ပို့ပြီး ဆယ်မိနစ်အကြာမှာ ဆိုက်မဲ့ရထားနဲ့ ပါလာမဲ့ မိန်းမဖြစ်သူကို ဦးမောင် ကအိမ်ပြန်ခေါ်ခဲ့တယ်။ ဒီလိုရက်သတ္တပတ်အနည်းငယ်ကြာကြာ အဲ့လိုအပို့အကြိုလုပ်ရင်းနဲ့ တနင်္ဂနွေနေ့ညနေတစ်ခုမှာ ရထားဝန်ထမ်းတစ်ဦးက ဦးမောင်အနား လျှောက်လာပြီး ရယ်ရယ်ပြုံးပြုံးနဲ့ပြောလေတယ်။ ဘာပြောလဲဆိုတော့ “ခင်ဗျားကြီး….အကြံတော်တော်ပိုင်တာပဲနော်။ တစ်နေ့နေ့တစ်ချိန်ချိန်မှာ ဒီလိုလုပ်ရပ်တွေကို သူတို့မိသွားမှာ မကြောက်ဖူးလား” တဲ့။

ဝန်ထမ်းလူကြီးက ၎င်းရဲ့အထင်မှာတော့ “သူ့ကြည့်ရတာ နောက်မီးလင်းနေသလိုပဲ၊ သူကတော့ဖြင့် တအားလူလည်ကျတာပဲ” လို့ စတဲ့အတွေးတွေနဲ့ တစ်ဘက်လူရဲ့ကိုယ်ပေါ်ကို ပုံချတတ်ကြတယ်။ ထိုလူရဲ့ကိုယ်ကျင့်တရားကိုလဲ မထီမဲ့မြင်ပြုရာရောက်သလို အမှန်တရားနဲ့လဲ လမ်းလွှဲသွားတတ်ပါတယ်။

နောက်ထပ်ဇာတ်လမ်းလေးတစ်ပုဒ်ကို ပြောပြရမယ်ဆိုရင် ကော်ဖီဆိုင်တစ်ဆိုင်မှာ အမျိုးသမီးနှစ်ယောက်ဟာ ဘေးချင်းကပ်ထိုင်ပြီး ကော်ဖီသောက်နေကြတယ်။ သူတို့ထဲက တစ်ယောက်ဟာ ယူလာတဲ့ထီးကို စားပွဲခြေရင်းမှာထောင်ထားလိုက်တယ်။ ခဏအကြာမှာ ကော်ဖီအရင်သောက်ပြီးတဲ့ အမျိုးသမီးတစ်ယောက်ဟာ ထအထွက်မှာ ယောင်တောင်တောင်နဲ့ ထောင်ထားတဲ့ထီးကို ကောက်ယူပြီးထွက်သွားပါတယ်။ ဒါကိုထီးပိုင်ရှင်ကမြင်တော့ “ဒီမယ်ရှင့် ရှင် ကျွန်မထီးကိုယူတယ်” လို့အော်ပြောလိုက်တယ်။

ထီးမှားယူမိတဲ့တစ်ယောက်က မျက်နှာကြီးနီမြန်းပြီး အားတုံ့အားနာနဲ့ ထီးပိုင်ရှင်ကို တောင်းပန်လိုက်တယ်။ သူထီးယူလာမိတယ်အထင်နဲ့ မှားယူမိကြောင်းပြောပြတယ်။ဒီအဖြစ်ပျက်ကြောင့် ထီးမှားယူမိတဲ့အမျိုးသမီးက သူထီးဝယ်ရမယ်ဆိုတာ သတိရလိုက်တယ်။ အိမ်က ကလေးတွေအတွက်ပါဝယ်လိုက်မယ်ဆိုပြီး သူထီးနှစ်ချောင်း ဝယ်လိုက်ပါတယ်။

အဲ့လိုနဲ့ ထီးနှစ်ချောင်းဝယ်ခဲ့တဲ့အမျိုးသမီးဟာ အိမ်အပြန်လမ်းက ဘတ်စ်ကားပေါ်မှာ သူထီးမှားယူမိတဲ့ ထီးပိုင်ရှင်အမျိုးသမီးနဲ့ မတော်တဆထပ်ဆုံမိပြန်ပါတယ်။ အဲ့ဒီအမျိုးသမီးက သူ့လက်ထဲက ထီးနှစ်ချောင်းကိုကြည့်ပြီး “အော်….ရှင်ဒီနေ့ တော်တော်တွက်ချေကိုက်တာပဲနော်” လို့သူ့ကိုပြောပါတယ်။

လူတွေဟာ အခြားသူတွေအပေါ်မှာ ဝေဖန်ပိုင်းခြားတဲ့အခါမှာ ယိမ်းယိုင်မှုတွေဖြစ်တတ်ကြပါတယ်။ လူတစ်ယောက်ကို အမြင်အားဖြင့် “အကောင်း” ဒါမှမဟုတ် “မကောင်း” ဆိုပြီးနှစ်မျိုးခွဲခြားလိုက်တယ်။ လူတစ်ယောက်ကို ကောင်းတဲ့ထင်မြင်ချက်မျိုးနဲ့ ထင်စေတဲ့အခါမှာ ထိုလူရဲ့ အပြုမူ၊အပြောဆိုတွေကအစ အရာအားလုံးကို”အကောင်း”ဆိုတဲ့ရှုထောင့်ကနေကြည့်ပြီး ဝေဖန်ပိုင်းခြားလိုက်တယ်။ ဆန့်ကျင်ဘက်အနေနဲ့ “မကောင်း”တဲ့ ထင်မြင်ချက်မျိုးဖြစ်စေတဲ့အခါ အဲ့ဒီလူဘာလုပ်လုပ် “မကောင်း”တာပဲမြင်တော့တယ်။ ဒီဖြစ်စဉ်ကို “Halo Effect” (ရောင်ခြည်စက်ဝန်းသက်ရောက်မှု)လို့ခေါ်တယ်။ လူတွေဟာ ညဘက် လမင်းကြီးကိုတွေ့တဲ့အခါ လမင်းကြီးရဲ့ဘေးက ဖြာကျနေတဲ့ ရောင်ခြည်စက်ဝန်းကိုလဲ သတိထားမိကြမှာပါ။ အဲ့လိုပဲ လူတစ်ယောက်ကလည်း အခြားသူကိုမြင်တဲ့အခါ သူ့ရဲ့ထင်မြင်ချက်နောက်ကိုလိုက်ပြီး သူ့ရဲ့အပြောအဆို၊ အမူအရာတွေကို “Halo Effect” နဲ့ ဝေဖန်ပိုင်းခြားကြပါလိမ့်မယ်။

“အင်္ဂလန်စာရေးဆရာ(Hazlitt William) က “အမှန်ကို မစူးစမ်းဘဲ မျက်စိမှိတ်ဘက်လိုက်ခြင်းက အသိမရှိတဲ့ကလေးနဲ့တူတယ်”တဲ့။

လူတိုင်းဟာ သင့်ကိုမသိနားမလည်နိုင်သလို သင်ကလည်း သူတို့အားလုံးကို သိနားလည်နိုင်မှာမဟုတ်ဖူး။ ဒီလိုဆိုတော့ ကျွန်မတို့ဟာ အခြားလူတွေအပေါ် လွယ်လွယ်နဲ့မဝေဖန်၊ မပိုင်းခြားသင့်သလို သင့်အပေါ်အခြားလူ ဝေဖန်ပိုင်းခြားတာကိုလည်း အလေးထားနေဖို့မလိုပါဖူး။ ဘာလို့လဲဆိုတော့ လူတိုင်းလူတိုင်းဟာ အကျီင်္ရဲ့ ပထမဆုံးကြယ်သီးကို တစ်ကြိမ်တစ်ခါတော့ မှားတပ်ဖူးစမြဲမို့ပါ။

မူရင်း- – – http:// blog.udn.com