ပြောင်းပင်နှင့်ပြောင်းဖူးပင်

ကျွန်တော်တို့အညာဒေသမှာတော့ ပြောင်းပင်၊ ပြောင်းဖူးပင်လို့ပြောလိုက်ရင်မသိတဲ့သူမရှိပါဘူး။ပြောင်းပင်
ကဘယ်ဟာကိုခေါ်တယ်၊ပြောင်းဖူးပင်ကဘယ်ဟာကိုခေါ်တယ်ဆိုတာတန်းပြီးသိကြတဲ့သူကြည့်ပါပဲ။ အခု ကျွန်တော် ဒီပို့စ်ကလေးကိုဘာကြောင့်ရေးရသလဲဆိုရင် ပြောင်းပင်နှင့် ပြောင်းဖူးပင်ကိုကွဲကွဲပြားပြားသိစေ
ချင်ပြီး ဘယ်လိုမျိုးအသုံးဝင်တယ်ဆိုတာကို သိစေချင်တဲ့အတွက်ကြောင့်ရေးရခြင်းဖြစ်ပါသည်။

ပြောင်းခင်း

ပြောင်းပင်(နှံစားပြောင်း)ကိုကျွန်တော်တို့အညာဒေသမှာနွားစာနှင့် လူစာအတွက်အဓိကထားစိုက်ပျိုးခြင်းပါ
တယ်။

ပြောင်းပင်ကို အမျိုးအစား(၂)မျိုးတောင်ရှိတယ်ဗျ။

ရိုးရိုးပြောင်းပင်နဲ့ ရွှေနီပြောင်းဆိုပြီးတော့ပေါ့။

(၁)ရိုးရိုးပြောင်း

ရိုးရိုးပြောင်းပင်ကိုစိုက်ပျိုးတဲ့အခါ အပင်လေး တစ်တောင်လောက်မြင့်ပြီဆိုရင်ကို နွားတွေ ကိုရိတ်ကျွေးပါတယ်။ များများရိတ်လေ အပင်ခွလေပါပဲ။အပင်ခွလေ အနှံရလေပေါ့။ ပြောင်းပင်ကို ၀ါဆို၊၀ါခေါင် မှာစပြီးစိုက်ပျိုးပါတယ်။ ပြောင်းပင်အရွယ်ရောက်မရောက်သိချင်တယ်ဆိုရင်တော့ စာဆိုလေးနဲ့ဗျ....
“ဖုံးတုံးလုံးတုံး တန်ဆောင်မုန်းတဲ့” 

အဲဒါကဘာကိုပြောတာလည်းဆိုတော့ တန်ဆောင်မုန်းလရောက်လာပြီ ဆိုတာနဲ့ ပြောင်းပင်တိုင်းက ပြောင်းနှံထွက်ဖို့ ကန်တော့ထိုးပြီး အနှံလေးတွေဖုံးတာကိုဆိုလိုတာပါ။ အဲဒီလို လေး ဖုံးပြီးသိပ်မကြာဘူး ပြောင်းနှံတွေက အစေ့လေးတွေကပ်လာပါတယ်။ နည်းနည်းအစေ့ရင့်ပြီဆိုရင် တော့ ငှက်မျိုးစုံ ပြောင်းနှံတွေကိုစားတော့တာပါပဲ။ အဲဒီလို စားတဲ့ဘေးကနဲ့ကာကွယ်ရတာကတော့ လူတစ်ယောက်က တောမှာ အမြဲသွားပြီးစောင့်နေရတာပါ ။(၅)ရက်လောက်အမြဲစောင့် ခြောက်ပြီးရင်တော့ ငှက်တွေက မလာတော့ဘူးဗျ...။အခြားအခင်းကိုပြောင်းကုန်တာ အရမ်းလည်တဲ့ အကောင်လေးတွေ။

တပို့တွဲလရောက်ပြီဆိုရင်တော့ ပြောင်းထစ်လို့ရတဲ့အခြေအနေရောက်နေပါပြီ။ (ပြောင်းထစ်တယ်ဆိုတာ ပြောင်းနှံကို လှီးယူတာကိုပြောတာပါ)။ ပြောင်းထစ်တော့မယ်ဆိုရင် လူငှားရပါတယ်။ တစ်မနက်ထစ်ရင် ပြောင်းဆန် တစ်စိတ်(၄)ပြည်ပေးရပါတယ်။ တစ်နေကုန်ဆိုရင်တော့ တစ်ခွဲ(၈)ပြည် ပေးရတာပါ။ ပြောင်းထစ်တဲ့အချိန်မှာ ပိုက်ဆံပေးပြီး ခေါ်လို့မရပါဘူး။ ပြောင်းထစ်ခေါ်တဲ့သူတိုင်းကို ပြောင်းဆံပေးရတာ ရိုးရာဓလေ့တစ်ခုပါပဲ။ နောက်ထပ်ရိုးရာတစ်ခုက ပြောင်းထစ်ရင် ထမင်းလုံးဝမကျွေးကြပါဘူး။ ကောက်ညှင်းကိုပေါင်း ပဲလွန်းစေ့နဲ့ရောပြီး ကောက်ညှင်းပေါင်းအ၀ကျွေးရပါတယ်။ ပြောင်းနှံရပြီဆိုရင်တော့ ပြောင်းနှံကနေ ပြောင်းစေ့ရအောင် ထုတ်ရပါတယ်။

ပြောင်းမွှေးကအရမ်းယားတာ လူတိုင်းပြောင်းဆံ(ပြောင်းအစေ့)ထုတ်လို့မရပါဘူး။ရလာတဲ့ပြောင်းကို ထောင်းပြီး ထမင်းကဲ့သို့ချက်စားကြပါတယ်။ ရှေးလူကြီးတွေပြောဖူးတယ် ပြောင်းထမင်းနဲ့ ပီလော ဟင်းချိုချက်သောက် ချမ်းသာတယ်တဲ့။ ဘာလို့အဲလိုပြောတာလဲဆိုတော့ ပြောင်းဆန်ကကြမ်းတယ်၊ ပီလောဟင်းချိုရည်က ချွဲကျိကျိနိုင်တယ်။ အဲဒီနှစ်မျိုးစလုံးအရမ်းပေါတော့ အဲဒါတွေကြည့်ချက်စားပြီး စုဆောင်းကျတော့ ချမ်းသာတာပေါ့ဗျာ။ နောက်ပြီး ပြောင်းဆန်ရယ်၊ ဆန်ရယ်၊ ပဲကိုခြမ်းထားတဲ့ ပဲခြမ်း ရယ် သုံးမျိုးပေါင်းပြီးလည်း ချက်စားကြပါသေးတယ်။ ပဲထမင်းလို့ခေါ်ပါတယ်။ပဲထမင်း ပူပူလေးကို နှမ်းဆီ
စစ်စစ်ကလေးဆန်းပြီးစားရင် အရမ်းစားလို့ကောင်းတာပါ။

ရွှေနီပြောင်း

(၂)ရွှေနီပြောင်း

ရွှေနီပြောင်းကလည်း ရိုးရိုးပြောင်းနဲ့သိပ်တော့မကွာပါဘူး။ ကွာတာတစ်ခုက ပြောင်းပင်ရဲ့ အရိုးနဲ့ ပြောင်းနှံပဲ ကွာတာပါ။ ရွှေနီပြောင်းရိုးက ရိုးရိုးပြောင်းရိုးနဲ့မတူပါဘူး။ ရိုးရိုးပြောင်းရိုးကိုတော့မစားကြ ပါဘူး။ ရွှေနီရိုး ကိုတော့ ကြံလုပ်ပြီးစုပ်ကြပါတယ်...ရွှေနီရိုးကချိုတယ် အရည်ရွှမ်းတယ်။အညာမှာပြောင်းရိုးကြံမစုပ်ဘူးတဲ့သူ မရှိလောက်ဘူးထင်တာပါပဲ။ အနှံကကြတော့ အနီရောင်၊ ရိုးရိုးပြောင်းနှံက အဖြူရောင်။ အဲဒါကွာပြန်တယ်။ နောက်ပြီး ရွှေနီပြောင်းထစ်ပြီးပြီဆိုရင်တော့ ပြောင်းဆံကို မောင်းနဲ့ထောင်းရလာတဲ့အမှုံ့ကို ပဲလွန်းစေ့ ပြုတ်ပြီးသားနဲ့ရောစုတ်ပြီး မုန့်ပဲစုတ်လုပ်စားလို့လည်းရပါသေးတယ်။ ပြောင်းပေါ်တဲ့အချိန်က တော့ မုန့်ပဲစုတ် အမုန်းစားရတဲ့အချိန်ပါပဲ။ပြောင်းရိုးကတော့ ရိုးရိုးပြောင်းရော၊ ရွှေနီပြောင်းရော နှစ်မျိုးစလုံးကို အခြောက်လှန်းထား နွေရာသီအားတဲ့အချိန်ရောက်ပြီဆိုရင်တော့ ပြောင်းရိုးစင်းစက်နဲ့စင်းပြီး ပဲမှော်တိုက် ပေါ်ကိုတင်ရပါတယ်။(စကားမစပ် ကျွန်တော်မွေးတုန်းက ကျွန်တော်တို့အိမ်မှာ ရွှေနီပြောင်းတွေအများကြီးရလို့ ကျွန်တော့်ကိုတောင် ရွှေနီ၊ ရွှေနီလို့ ချစ်စနိုးခေါ်ကြတယ်လို့ပြောဖူးပါတယ်။ ကျွန်တော်ကတော့မမှတ်မိတော့ပါဘူး။) အခုဟာက ပြောင်း(နှံစားပြောင်း) အကြောင်းလေးပါ။

ပြောင်းဖူးခင်း

ပြောင်းဖူးပင်ကိုလူတိုင်းမသိရင်တောင် ပြောင်းဖူးကိုတော့လူတိုင်းနီးပါးစားဖူးကြပါလိမ့်မယ်။ တစ်ချို့ မြို့သားတွေက  ပြောင်းဖူးပင်ကို ပြောင်းပင်လို့ အမှတ်မှားခေါ်နေတာ တွေ့ဖူးပါတယ်။ ပြောင်းဖူးပင်ကို ပြပြီးဒါဘာပင်တုန်းလို့မေးလိုက်ရင် ပြောင်းပင်လို့ဖြေကြပါတယ်။ အဲလိုလေးတွေ လွဲနေလို့ ကျွန်တော်တို့ အညာကအပင်လေးတွေကို ကွဲကွဲပြားပြားသိစေချင်လို့ပါ။ ပြောင်းဖူးပင်မှာလည်း အမျိုးအစား နှစ်မျိုးရှိပါတယ်။ ရိုးရိုးမြန်မာပြောင်းဖူးပင်နဲ့ ရှမ်းပြောင်းဖူးပင်ဆိုပြီး နှစ်မျိုးရှိတာပါ။ ကျွန်တော်တို့အညာဒေသမှာတော့ ရှမ်းပြောင်းကို မစိုက်သလောက်ပါပဲ။ အဲဒီတော့ မြန်မာ ပြောင်းဖူးပင်ရဲ့အသုံးဝင်ပုံကိုပဲပြောကြည့်မယ်ဗျာ။

ကျွန်တော်တို့ ရိုးရိုးမြန်မာပြောင်းဖူးပင်ကို နွားစာနဲ့ လူစာအတွက် အဓိကစိုက်ပျိုးကြပါတယ်။ ကျွန်တော်ငယ်ငယ်က အမေ့ကိုမေးဖူးပါတယ်။ “အမေ ပြောင်းဖူးစေ့နဲ့ ပြောင်းဖူးပင်က ဘယ်ဟာကအရင်စဖြစ်တာလဲ။ အစေ့လေးရှိလို့ အပင်ပေါက်လာတာလား၊ အပင်ရှိလို့အစေ့ဖြစ်လာတာလား။ 

ဟယ်.....ဒီ ကလေး ပွေလီမာလီဘာတွေလျှောက်မေးနေတာလဲ။ နှစ်ခုစလုံးရှိလို့ ဖြစ်တာ”ဆိုပြီး ကျွန်တော်မေးတာကိုဖြေပါတယ်။ ပြောင်းဖူးမျိုးစေ့ကို စနစ်တကျ စိုက်ပျိုးလို့လည်းရပါတယ်။ ဒါမှမဟုတ် ထယ်ထိုးပြီး မျိုးစေ့ကျဲပက်ပြီးတော့လည်းစိုက်ပျိုးကြပါတယ်။ ဘယ်လိုပဲ စိုက်ပျိုးပျိုး ပြောင်းဖူးပင်လေး တစ်ထောင်သာသာလောက်ရှိပြီဆိုရင် သားပင်ခွဲပေးရပါတယ်။ ထူပိန်းနေတဲ့အပင်တွေကို ပါးအောင်ခွဲထုတ်။ရလာတဲ့ အပင်တွေကို နွားစာအဖြစ်ကျွေးတာပါ။နွားတွေအရမ်းကြိုက်ပါတယ် ပြောင်းဖူးရိုးကို သူကနုတာကိုး။ ပြောင်းရိုးကကျမာတယ်လေ။ ပြောင်းဖူးရိုးက အဆီဓါတ်ပါတော့ နွားတွေကိုဝဖြိုးစေတယ်။ ပြောင်းဖူးပင်လူတစ်ရပ်နီးပါးလောက်ရှိပြီဆိုရင်တော့အနှံလေးတွေ စပြလာပါတယ်။ ပြီးမှ အဖူးကအောက်ကနေကပ်ပါလာတာပါ။ အဲဒီလိုပြောင်းဖူးအနုလေး စကပ်တဲ့အချိန်ဆိုရင်တော့ ကလေးအငယ်လေးတွေ ပျော်ကြပါတယ်။ ပြောင်းဖူးငယ်လေးကိုချိုး ပြီးရင် အရုပ်လေးလုပ်ပြီးဆော့တာပါ။ ပြောင်းဖူးက အမွှေးပါတော့ ဆံပင်ရှည်တဲ့ကောင်မလေးအရုပ်ဖြစ်တယ်လေ။ ပြောင်းဖူးစေ့လေးတွေတန်းနေပြီဆိုရင်တော့ ပြောင်းဖူးကိုချိုး အခွံနွှာ အမွှေးသင်ပြီး ဓါးနဲ့လှီးပြီး ပြောင်းဖူးကြော်ကြော်စားရင် အရမ်းကောင်းတာပါ။ ချိုလည်းချိုတယ် အားလည်းရှိတယ်။အဲလိုအချိန်ဆို ခွေးတွေကလည်းပြောင်းဖူးပင်ကိုကိုက် ပြောင်းဖူးကိုစားသွားပါတယ်။ မနက်လင်းရင် ခွေးလှဲသွားတဲ့ ပြောင်းဖူးပင်တွေလိုက်ကောက်ရတာလည်းအမောပါပဲ။ အဲလိုမျိုး ခွေးကိုက်ခံရတဲ့ ပြောင်းဖူးခင်းတွေကတော့ သွားသာစောင့်ပေတော့ဗျို့။

ဘာလို့လဲဆိုတော့ စကားပုံလေးရှိတယ်လေ“ပြောင်းဖူးခင်း ခွေးလမ်းပေါက်”ဆိုတာလေ။ 

အဲလိုမျိုးတစ်ခါလောက်ကိုက်ပြီးရင် အဲဒီခွေးက အဲဒီအခင်းပဲအမြဲတမ်းလာကိုက်ပါတယ်။မစောင့်ရင်တော့ ကုန်ပြီသာမှတ်။

ပြောင်းဖူးဖူးနေပုံ

ပြောင်းဖူး

“ခေါင်းမြီးခြုံ လုံပါပေ့
ဆံမြိတ်ချ လှပါပေ့
ကျောက်တန်းစီ ညီပါပေ့” ဆိုတဲ့အရွယ်ကိုရောက်ပြီဆိုရင်တော့ ပြောင်းဖူးအမုန်းဆွဲရတဲ့အချိန်ပေါ့။ ပြောင်းဖူးရင့်၊ မရင့်ဆိုတာကို ကြည့်ပြီးမှချိုးရတာဆိုတော့ ပြောင်းဖူးချိုးပုံ၊ ချိုးနည်း နည်းနည်းလောက် ဖောက်သည်ချအုံးမယ်ဗျ။

ပြောင်းဖူးချိုးတော့မယ်ဆိုရင် ပြောင်းဖူးကိုကြည့်ရပါတယ်။ ပြောင်းဖူးရဲ့အမြီးမှာအမွှေးဖွားလေးပါ ပါတယ်။ အဲဒီအမွှေးက ရဲပြီး ကျွမ်းခြောက်နေပြီဆိုရင်တော့ အဲဒီပြောင်းဖူးက ရင့်ကိုရင့်ပါပြီ ၊စားလို့ရတဲ့ အချိန်ကိုရောက်ပါပြီ။ တစ်ချို့ပြောင်းဖူးတွေကအရမ်းသန်တယ် ။ အဲတော့မသိတဲ့သူတွေက ပြောင်းဖူးရင့် မရင့်လက်နဲ့ ဖိကြည့်တယ်၊ စမ်းကြည့်တယ်ဆိုရင်တော့ အဲဒီအဖူးရင့်လာတဲ့အချိန်မှာ အစေ့အပြည့်မပါပဲ  ကျိုးတိုးကျဲတဲဖြစ်နေတတ်ပါတယ်။ အဲဒါကိုတော့ ခွေးသွားကြဲလို့ခေါ်ပါတယ်။ ကျွန်တော်ကတော့ ပြောင်း ဖူးကိုပြုတ်စားတာထက် ၊ ဖုတ်စားတာကိုပိုကြိုက်ပါတယ်။ ပြောင်းဖူးကရတဲ့ ပြောင်းဖူးဖက်ကို အညာဒေသ မှာ ဆေးလိပ်ဖက်အဖြစ်အသုံးပြုပါတယ်။ ပြောင်းဖူးဖက် ဆေးလ်ိပ်ကြီးတွေကိုမြင်ဖူးကြမှာပေါ့။ ပြောင်းဖူးစေ့ကို အခြောက်လှမ်းပြီးလည်း ပြောင်းဖူးပေါက်ပေါက်လှော်စားကြပါသေးတယ်။ နောက်ပြီးအဲဒီအခြောက်စေ့ကို ရေစိမ်ပြီး ပြုတ်၊ ပြုတ်လို့ကျက်သွားရင်တော့ ကြက်သွန်နီလေးကိုပါးပါးလေး ၊နံနံရွက်၊ မဆလာလေး ထည့်ပြီးသုပ်စားအရမ်းကောင်းပါတယ်။အဲဒါကတော့ရိုးရိုးပြောင်းဖူးပါ။ ရှမ်းပြောင်းဖူးက အဖူးသန်တယ်၊ အစေ့ကြီးတယ် နဲနဲစေးပြီး မာတယ်။ အဲဒါပဲကွာခြားချက်ရှိတာပါ။ ပြောင်းဖူးရိုးကိုတော့ ပြောင်းရိုးလိုပဲစက်နဲ့စင်းပြီး ပဲမှော်တိုက်ပေါ်တင်ထားတာပါ။ ကျန်တာကတော့အားလုံးအတူတူပါပဲ။ ဒီပို့စ်ကလေးကိုဒီမှာပဲရပ်နားလိုက်တော့မယ်နော်။ အညာမြေက အသုံးဝင်တဲ့အပင်တွေအကြောင်းကိုဆက်ပြီးဖော်ပြပေးအုံးမှာပါ။

ပြောင်းဖူး၏ ကျန်းမာရေး အာနိသင်များဖတ်ရှုရန် နှိပ်ပါ>>>