ဝါးတွေမှာ သက်ပတ် အမျိုးမျိုးရှိပါတယ်။ ဝါးမျိုးစိတ်ကိုလိုက်ပြီး ၂၅နှစ်၊
နှစ်၃၀၊ နှစ်၅၀စသည်ဖြင့် သက်တန်း အမျိုးမျိုးရှိပါတယ်။ ဝါးသီးသီးတာဟာ
သက်တန်းစေ့လို့ ဝါးပျိုးပွားဖို့ သီးတာရှိသလို သဘာဝတရားက ပြောင်းလဲနေတဲ့
ရာသီဥတုအခြေအနေကိုလိုက်ပြီး ယိုယွင်းပျက်စီးနေတာတွေကို ပြန်လည်ကုစားဖို့
ဝါးသုန်း သီးပေးရတာလည်းရှိတယ်။ (ကျယ်ကျယ်ပြန်ုပြန့် လေ့လာဖို့တော့လိုတယ်)။
ဝါးဟာသီးပြီးရင်သေသွားတာကြောင့် ဒီလိုဝါးသီးတာကို ဝါးသုန်းသီးတယ် လို့သုံးနှုန်းပြောဆိုပါတယ်။ ဝါးသုန်းသီးတဲ့ဝါးသီး၊ ဝါးစေ့တွေမှာ မျိုးပွားမှုကိုအားပေးတဲ့သဘာဝ ဟော်မုန်းတွေပါလို့ ဝါးသုန်းသီးကို စားမိတဲ့တောတိရစ္ဆာန်တွေဟာ အလွန်အကျွံမျိုးပွားကြပါတယ်။
အခုပုံထဲမှာမြင်ရတဲ့ဝါးသီးဟာ ကရင်ဝါး (ခရင်ဝါး လို့ အသံထွက်ပါတယ်) သီးဖြစ်ပြီး ဒီဝါးသီးကို တောဝက်လို အကောင် ကနေစပြီး ဆတ်၊ စိုင်၊ ပြောင် လို စားမြုံ့ပြန်တဲ့တောသတ္တဝါတွေကနေ တောကြွက်တွေအထိ စားသုံးကြပါတယ်။ စားသုံးမိတဲ့တိရစ္ဆာန်တွေဟာ အလွန်အကျွံ မျိုးပွားကြပါတယ်။ အထူးသဖြင့် တောဝက်နဲ့ ကြွက်တွေရဲ့မျိုးပွားမှုဟာ အလွန်သိသိသာသာ ရှိလှပါတယ်။ အလွန်အကျွံမျိုးပွားလို့ သူတို့ကျက်စားတဲ့နေရာမှာအစားရှားပါးပြီး တောထဲမှာ တောဝက်ငယ်လေးတွေ အစာငတ်သေတာ ဟိုမှာ ဒီမှာ တွေ့ရတတ်ပါတယ်။
ကြွက်ကတော့ ဝါးသုန်းသီးစားမိပြီဆိုရင် အလွန်အကျွံ ဒုက္ခပေးတော့တာပါပဲ။ ကြွက်တွေဟာ ကာလတိုအတွင်း အလွန်များတဲ့ ပမာဏနဲ့ ၂ဆကနေ၄ဆ၊ ၄ဆကနေ၈ဆ ဆတိုးပွားလာပါတယ်၊ ဒီပွားများမှုနဲ့အတူ မှူလကျက်စားရာဒေသအတွင်းမှာ အစာရေစာရှားပါး လာတာကြောင့် ကြွက်တွေဟာ အစာပိုမိုရနိုင်မယ့်နေရာသစ်ကို အုပ်လိုက်ကြီးပြောင်းရွှေ့တော့တာပါပဲ။ ဒီလိုရွှေ့ပြောင်းစဉ် လမ်းမှာ တွေ့တာတွေကို အလုအယက် စားသောက်ပစ်တော့တာပါပဲ။ ဒီလို ဖြစ်စဉ်ဟာ ဝါးသန်းသီးသီးပြီး ၃နှစ်၎နှစ်အထိ ကြာတတ်ပါတယ်။ အရပ်မှာတော့ ကြွက်ကပ်ကျတယ်လို့ဆိုပါတယ်။
Soe Moe
https://www.facebook.com/photo.php?fbid=205841836603397&set=pcb.205841903270057&type=3
Post a Comment